Оқушының тілін , қиялын, сөздік қорын халық мұрасы арқылы дамыту, 2-4 сыныптар арасында » В мире сказок» атты интеллектуалды ойын өтті. Ұйымдастырған орыс тілі мен әдебиеті пәнінің мұғалімі А. К. Бекенова
Бастауыш апталығында көркем еңбек мұғалімдері Б.Кабдуллина және М. Рустемханов 1-4 сынып аралығында «Қыс қызығы» тақырыбында суреттер сайын ұйымдастырды. Оқушылар өз суреттерінде табиғатты сипаттап, қыстың қызықты сәттерін бейнелеп берді. Оқушы жұмыстары көрмеге қойылып, жүлделі орындар анықталды.
Бүгін 2-4 сынып аралығында» Ана тілім-қазынам» атты сайыс өтті. Өз ойын жазбаша түрде жеткізу және шығармашылық ойлау дағдыларын дамыту мақсатында оқушылардың жұмысы көрмеге қойылды. Ұйымдастырған бастауыш сынып мұғалімі Г.Р.Темиржанова.
21 қаңтар күні бастауыш сынып оқушыларына Г. Смагулова математикалық олимпиадада жиі кездесетін, оқушылардың логикасын арттыруға көмегі тиетін тақырыптар туралы түсініктер беріп, мысалдар, есептер және шешу тәсілдерін көрсетті.
Бастауыш сынып апталығының жоспары бойынша 20 қаңтар күні 1-4 сынып аралығында көркем жазу сайысы ұйымдастырылып, әдемі, сауатты жазған оқушылардың жұмысы «Әдемі жазу – өнер» атты көрмеге қойылды. Ұйымдастырған бастауыш сынып мұғалімі А.Т. Аушайхова
Ағылшын тілі пәні мұғалімі А.Енсебаева педагогикалық ұжымға «Оқушылардың тілдік дағдыларын қалыптастыруда рефлексия жасау қаншалықты ықпал етеді?» тақырыбындағы Lesson Study сабақты зерттеуі бойынша өз ойымен бөлісті. Ағылшын тілін еркін меңгеру оқушылар үшін қиындық тудыратын сөзсіз. Сол себептен, тілді меңгерудегі өзіндік қиыншылықтарды анықтап, оны жақсарту мақсатында 7-сыныпта жүргізілген Lesson Study нәтижесін таныстырды.
15 қаңтар күні А.Иманов мектебінде «Шаңырақ» оқушылар қауымдастығын құру мақсатында сынып жетекшілермен семинар өткізілді. Семинар барысында «Шаңырақ » оқушылар қауымдастығы құрылып, əр топ атауын, эмблемасын жəне ұранын қорғап шықты. Келешекте əр топқа ұйымшылдықпен жұмыс жүргізуде сəттілік тілеймін.
14 қаңтар күні мектеп психологі Э. Бакасова 11 сынып оқушыларымен Ұлттық бірыңғай тестілеу барысында мазасыздану жəне қобалжу деңгейлерін төмендетуге бағытталған кеңес беру жұмыстарын өткізді.
А.Иманов атындағы жалпы орта білім беретін лицей мектебінде қаңтар айынан бастап бастауыш сынып оқушылары тегін ыстық тамақпен қамтамасыз етілді.
Мектебіміздің бастауыш сынып мұғалімі Г.Смагулова Нұр-Сұлтан қаласында өтіп жатқан «Бастауыш мектепте математикадан олимпиада есептерін шешу жолдары мен тәсілдері» атты республикалық оқу-әдістемелік семинарға қатысуда. Семинар 3 күн болады. Семинар аясында «Алтын тұғыр» олимпиадасы өтеді. Мектеп ұстазы Гүлсім Садыққызына сәттілік тілейміз.
