Мектеп әкімшілігі мен ұстаздары

Руслан Ерікұлы Еңсебаев – мектеп директорының оқу ісі жөніндегі орынбасары

1984 жылы Шығыс Қазақстан облысы, Аягөз ауданы, Байқошқар ауылында дүниеге келген. 2006 жылы Семей мемлекеттік педагогикалық институтын физика және информатика пәндерінің мұғалімі мамандығы бойынша бітірген. 2006-2007 жылдары Май ауданы Малайсары жалпы орта мектебінде, 2007-2008 жылдары Қазақстан жалпы орта мектебінде физика-информатика мұғалімі болып қызмет атқарды. 2008 жылдың қыркүйек айынан бастап Аманкелді Иманов атындағы жалпы орта білім беретін лицей-мектебінде мұғалім болып қызмет атқарады. 2013-2014 жылдары аталған мектепте директордың тәрбие ісі жөніндегі орынбасары, 2014-2016 жылдары директордың оқу ісі жөніндегі орынбасары қызметін атқарады. 2016 жылғы 1-қыркүйектен бастап мектеп директорының міндетін атқарады. Бірінші санатты мұғалім. Жетістіктері: облыстық «Білім берудегі ақпараттық технологиялар» конкурсында ІІ орын (2009 ж.), облыстық физика пәні мұғалімдерінің олимпиадасында ІІІ орын (2012 ж.), облыстық Педагогикалық бастамалар конкурсының жеңімпазы (2015 ж.), облыстық «Жыл мұғалімі – 2016» конкурсында «Ізденімпаз» номинациясының иегері. Білім беру бөлімінің Құрмет грамотасымен (2010 ж., 2012 ж., 2015 ж.), аудан әкімінің Құрмет грамотасымен (2013), білім басқармасының Алғыс хатымен (2016 ж.) марапатталған. Үйленген. 2 бала тәрбиелеп отыр.


Жандарбек Қанатбекұлы Сембин – мектеп директорының тәрбие ісі жөніндегі орынбасары

20160114_151506 1982 жылы Павлодар облысы, Май ауданы, Баскөл ауылы дүниеге келді. 2000 жылы Павлодар гуманитарлық-педагогикалық колледжін ағылшын тілі мамандығы бойынша, 2011 жылы Павлодар мемлекеттік педагогикалық институтын информатика мұғалімі мамандығы бойынша тәмамдаған. 2003 жылдан бастап Аманкелді Иманов атындағы жалпы орта білім беретін лицей-мектепбінде қызмет атқаруда, бірінші санатты ұстаз. 2015 жылдан бастап директордың тәрбие ісі жөніндегі орынбасары. «Тіл дарын – 2010», «Тіл дарын – 2012» аудандық тіл мамандары олимпиадаларының жеңімпазы. 2012 жылы Облыстық тілдерді дамыту жөніндегі басқармасының Алғыс хатымен, аудан әкімінің Құрмет грамотасымен, «Нұр Отан» ХДП Май аудандық филиалының Алғыс хатымен марапатталған. 2016 жылғы наурыз айынан бастап Май аудандық маслихатының депутаты. Үйленген.


Мадина Жеңісқызы Хайруллина – мектеп директорының тәрбие ісі жөніндегі орынбасары


Ардақ Айтымұлы Ешимов – АӘД пәнінің оқытушысы

 1970 жылы Павлодар облысы, Лебяжі ауданы, Щербақты ауылында дүниеге келген. 1985 жылы Ақсу қаласындағы дене шынықтыру техникумына оқуға түсіп, 1988 жылы бітірді. Техникумның жолдамасымен  Лебяжі ауданы Қызыл-қоғам орта мектебіне  мамандық бойынша жұмысқа орналасады. 1988-1990 жылдары әскери борышын  өтеп, 1991-1992 жылдары Екібастұз қаласындағы  ЖӨСМ (ДЮСШ) еркін күрестен бапкер болып жұмыс істеген. 2003 жылы А.Иманов атындағы лицей-мектебінде дене шынықтыру пәні мұғалімі болып жұмысқа орналасұан. Қазіргі таңда аталған мектепте «Алғашқы әскери дайындық» пәнінің оқытушы-ұйымдастырушысы болып жұмыс атқарады. Үйленген.  Екі баласы  бар.


 

Эльмира Мухаметқызы Бакасова – мектеп психолог

20160928_110114

1987 жылы  Павлодар облысы, Калкаман ауылында дүниеге келген. 2008 жылы Инновациялық Еуразия Университетін педагогика және психология мамандығын тәмәмдаған. 2008 жылдың қыркүйек айынан бастап Аманкелді Иманов атынжағы жалпы орта білім беретін лицей-мектебінде психолог болып қызмет атқарады. Екінші санатты мұғалім.  Жетістіктері: Республикалық ғылыми әдістемелік педагогикалық журнал № 1(03)  2016 жыл «5 сынып оқушыларының орта буынға бейімделуі» мақаласы жарық көрді. «Мұғалім мамандығы туралы ой толғау» облыстық байқауға қатысқаны үшін сертификатпен (2016 ж) марапатталды. «Ұлттық бірыңғай тестілеуге  дайындық, психологиялық қызметінің жоспары және психотренинг ойындар мен жаттығулар» (2012-2013 ж.) атты бағдарламасы басылып шықты. Тұрмыста. Бір бала тәрбиелеп отыр .


Анар Анатольевна Енсебаева – ағылшын тілі пәнінің мұғалімі

20160928_092847  1986 жылы Павлодар облысы, Май ауданы, Жалтыр ауылында дүниеге келген. 2006 жылы Б.Ахметов атындағы Павлодар мемлекеттік педагогикалық колледжін «Негізгі мектептің шет тілі мұғалімі» мамандығы бойынша, 2010 жылы Павлодар мемлекеттік педагогикалық институтын «Шет тілі: екі шет тілі мамандығы бойынша білім беру бакалавры» мамандығы бойынша тәмәмдаған. 2006-2009 жылдары Май ауданы Қазақстан жалпы орта мектебінде ағылшын тілі мұғалімі болып қызмет атқарды. 2009 жылдың қыркүйек айынан бастап Аманкелді Иманов атындағы жалпы орта білім беретін лицей-мектебінде ағылшын тілі пәнінің мұғалімі болып жұмыс істейді. 2016 жылғы 1-қыркүйекке дейін аға тәлімгер қызметін атқарған. Екінші санатты мұғалім. Жетістіктері: ағылшын тілі пәні мұғалімдерінің аудандық пән олимпиадасы ІІ орын (2016 ж.), «Ағарту сабағы-2016» аймақтық сайысы ІІ орын, «Патриоттық тәрбие бойынша сыныптан тыс іс-шараның үздік сценарийі» аудандық конкурсы «Үздік топтама құрастырушы» номинациясы (2015 ж.). Халықаралық «British bulldog» интеллектуалды конкурсында 2014 жылы 1 оқушысы (Қадыр Асанәлі ІІІ орын), 2015 жылы 3 оқушысы (Мухамедиярова Дильназ және Каиргельдинова Назерке ІІ орын, Пшенбаева Дильяра ІІІ орын) жүлдегер атанған. Қашықтықтан өткізілген «Инфоурок» жобасының олимпиадасында 2 оқушысы  (Каиргельдинова Назерке І орын, Мағау Алуа ІІІ орын) жеңімпаз атанған. Тұрмыста. 2 бала тәрбиелеп отыр.


Гүлсім Садыққызы Смагулова – бастауыш сынып мұғалімі

2014-05-25-18-29-40 1986 жылы Павлодар облысы, Май ауданы, Жалтыр ауылында туған. 2004 жылы Павлодар мемлекеттік педагогика институты колледжін бастауыш сынып мұғалімі мамандығы бойынша үздік бітірген. 2010 жылы Павлодар мемлекеттік педагогикалық институтының «Педагогика және психология» мамандығы бойынша жоғары білімін алды. 2007 жылдан бастап Аманкелді Иманов атындағы жалпы орта білім беретін лицей-мектектебінде жұмыс істейді. Бірінші санатты мұғалім. 2016 жылы аудандық пән олимпиадасында ІІІ орын, «Заманауи сабақ» аймақтық сайысында ІІ орынды иеленді. 2015 жылы “Педагогтердің біліктілігін арттырудың  деңгейлік курстары: білім беру  мазмұнын жаңарту” республикалық – семинарында, облыстық “Менің алғашқы ұстазым” бірыңғай республикалық акциясы барысында Павлодар облысының бастауыш сынып мұғалімдеріне арналған форумында инновациялық педагогикалық тәжірибені жинақтап таратты. Шәкірттері түрлі деңгейдегі байқауларды бақ сынап, жоғарғы нәтижелерге ие. Оқушысы Мухамедиярова Дильназ Республикалық “Зерек” атты оқушылардың ғылыми жоба сайысында ІІІ орын алса, 4 оқушысы «Ақбота» республикалық марафонының ІІІ орын иегерлері. 2 оқушысы «Кенгуру математика» халықаралық интелектуалды сайысының ІІІ иегерлері болса, 3 оқушысы «Пони» халықаралық конкурсының жүлдегерлері атанды.


Сәния Маралдықызы Асқарова – бастауыш сынып мұғалімі 

20160928_092834

1961 жылы Павлодар облысы, Павлодар ауданы, Ямышев ауылында дүниеге келген. Білімі жоғары. 1976 жылы Павлодар педагогика  училищесіне түсіп, 1980 жылы аталған оқу орнын бастауыш сынып мұғалімі мамандығы бойынша бітіріп шықты. 1996 жылы ПМПИ бітіріп, жоғарғы білім алған. Еңбек жолын 1980 жылы осы мектепте бастауыш сынып мұғалімі ьолып бастап, қазіргі уақытқа дейін еңбек атқарады. Жалпы еңбек өтілі-36 жыл. Оқыту мен тәрбиелеудің ең озық та тиімді жолдарын қолдана отырып, сабақта әр оқушыға түсінікті, мазмұнды, терең білім беруді көздеді. Өз жұмысында бастауыш сыныптағы оқушыларды бейімділік қасиеттеріне қарай ойын элементтері арқылы оқыту мен тәрбиелеу деген тақырып  бойынша жұмыс істейді. Әрбір оқушының жеке басының дамуына көңіл  бөліп, жаңа үрдісте оқушының қызығушылығын оятып, шығармашылыққа жетелейді. Оқыту технологияларының әдіс-тәсілдерін пайдалану арқылы оқушылардың танымдық белсенділіктерінің арттыруына белсенділік туғызып отырады. Сабақ барысында оқушыдан көркем шығарманы өзіндік ой-пікірі, көзқарасы тұрғысында терең, әсерлі көркем тілмен жүйелі баяндауын талап етеді. Қазіргі уақытта 3-сыныпқа сабақ беріп, сынып жетекшілік етеді. Сыныптың білім сапасы 75%.  «Тіл дамыту», «Логика әлемі», «Сөз өнері» авторлық бағдарламаларын құрастырған. Оқушылар мен әріптестерінің арасында, ата-аналар мен ауыл тұрғындардың арасында беделді, үлгілі отбасы иесі, үш баланың анасы. 


 Әсемгүл Қосманқызы Бекенова – мектепалды даярлық тобының тәрбиешісі

20160928_1047231977 жылы 24 тамыз Павлодар облысы Май ауданы Қызыл-құрама ауылында дүниеге келген. 1997 жылы Б.Ахметов атындағы Павлодар педагогикалық колледжін бітіріп, 2008 жылы Павлодар мемлекеттік педагогикалық институтын бітірді. А.Иманов атындағы жалпы орта білім беретін лицей-мектебінде  мектепалды даярлық тобының тәрбиешісі болып 18 жыл жұмыс атқарады.Бірінші санатты мұғалім. Жетістіктері: Республикалық ғылыми әдістемелік журнал № 5-6 2013жыл «Төре ұл мен Ару қыз» ;№4 2014 жыл  «Математика еліне саяхат» сабақтар жарық көрді. Май ауданының білім беру жүйесін дамытуға қосқан зор жеке үлесі үшін Алғыс хат (2014 ж),Астана қаласы  оқыту және дамыту орталығымен үйымдастырылған «Тәрбиеші болу бақыт» атты ІІ-ші  Республикалық  сайыста ІІІ орын, Диплом(2014 ж), оқушылардың шығармашылық қабілеттерін дамыту іс-шаралары жоғары бағаланып, бірінші ІQ марафонына қатысушыларды, жүлдегерлер мен жеңімпаздарды дайындағаны үшін. Өсіп келе жатқан зияткерлерді тәрбиелеуге және дамытуға қосқан үлесі үшін Диплом. (2014-2016ж), «Ханталапай»  интелектуалдық республикалық байқауы «Ең үздік фотоколлаж» Алғыс хат(2015 ж), «Алтын асық» облыстық зияткерлік ойынына қатысушыларды  сапалы дайындағаны үшін Алғыс хат (2015 ж),«Үркер» зияткерлік марафонына жүлдегерлер мен жеңімпаздарды дайындағаны үшін (2016 ж),   Білім беру жүйесінің дамуы жолында  қол жеткізген  табыстары мен жас ұрпақты тәрбиелеудегі қосқан ерен еңбегі үшін марапатталды(2016 ж). Тұрмыста екі бала тәрбиелеп  отыр . 

Айгүл Қабылғазықызы Мухамедиярова – тарих  пәнінің мұғалімі 

 Павлодар облысы Май ауданы Қызыл – Құрама ауылында 20 сәуір 1970 жылы туған.Тарих және география пәнінің мұғалімі. Жоғары білімді, І санатты ұстаз. Өз пәнінде әртүрлі әдіс-тәсілдер қолданып, оқушыға өзіндік таным әрекетін қалыптастырады. Өзінің мамандық шеберін қалыптастыруда оқушыларды оқыту барысында жаңа бағытта құрайды. Өз тәжірибесінде қолданбалы курстар «Тарих және патриотизм», «Қазақстандағы ұлттар тарихы», «Өлкетану» Павлодар облыс білім беру департаментінің педагог кадрларын біліктілігін арттыру институтымен және білім беру, тәрбиелеуді дамытудың инновациялық орталығымен пікір алысып бекітілді және аудан көлемінде тәжірибе алмастырылды. Қызықты, танымдылығы мол сабақтары Республикалық ғылыми- педагогикалық «Қазақ тарихы»журналында , «45 minut» ұстаздар сайтында   жарияланған. Май аудандық ғылыми жоба жарысында оқушылары ІІ орын иегері атанған. Облыстық сырттай оқу мектебінің шағын олимпиадасында ІІІ дәрежелі дипломмен марапатталды. Оқушылар мен жастарға арналған республикалық әскери- патриоттық журналы «Мен- Қазақстан -патриотымын» атты шығармашылық байқауына 6 сынып  оқушысы Бекенова Аяжан қатыстырып ІІ орын иегері атанды.Қазақстан тарихы пәні бойынша 11 сынып оқушысы Қайдаров Жаңбырбай аудандық пән олимпиадасының  ІІ орын иегері.


Әйгерім Ғалымжанқызы Асқарова – тарих  пәнінің мұғалімі 

1990 жылы туған Павлодар облысы, Май ауданы, Баскөл ауылында туған. Білімі жоғары. 2007 жылы Павлодар Мемлекеттік Педагогикалық Институты колледжіне түсіп, 2010 жылы аталған оқу орнын қазақ тілі мен әдебиеті мұғалімі мамандығы бойынша бітіріп шықты. 2010 жылы Павлодар Мемлекеттік Педагогикалық Институтына филология факультетіне қазақ тілі мен әдебиеті мамандығы бойынша оқуға түсіп, 2013 жылы бітірді. Еңбек өтілімі 5 жыл, екінші санатты маман.  Мұғалімнің жұмыс істейтін мәселесі: «Оқушылардың ойлау қабілетін дамыту, дұрыс сөйлеуге үйрету». Оқыту мен тәрбиелеудің ең озық та тиімді жолдарын қолдана отырып, сабақта әр оқушыға түсінікті, мазмұнды, терең білім беруді көздейді. Өз білімін жетілдіру мақсатында Павлодар облысы бойынша педагогикалық қызметкерлердің біліктілігін арттыру институтында 2013 жылы “Қазақ тілі мен әдебиетін оқытудың тиімділігін жаңа технологиялар арқылы арттыру” атты Е.Жұматаеваның авторлық курсынан өтті. 10-сыныптың «Сөз мәдениеті», 11-сыныптың «Шешендік сөз – шеберлік өрнегі» қолданбалы курс бағдарламаларын  құрастырып,  ПМПИ филология ғылымының докторы, профессор  Б.Сағындықұлымен бекітіліп, өз тәжірибесінде қолданады.  А.Г.Аскарова – қазақ, орыс, тілдерін жетік біледі, компьютерде жетік жұмыс істей алады. Тұрмыста, екі баласы бар. 

 

This entry was posted in Ұстаздар. Bookmark the permalink.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған