ҚР 30 жылдығына орай “30 игі іс” атты жобасы

19.03.2021

Қазақстан Республикасы Тәуелсіздігінің 30 жылдығына орай «30 игі іс» атты жобасы негізінде  наурыз мейрамына орайласып, мектебіміздің тұрақты демеушісі Салахатдинова Роза оқушыларымызға мерекелік сый-сияпат жасады. Роза ханымға еңбегі табысты болып, кәсібінің молая беруіне тілектеспіз.

Бастауыш сынып оқулықтарының мазмұнын талқылау

19.03.2021

Қазақстан Республикасы Білім және ғылым министрлігі “Оқулық” республикалық ғылыми-практикалық орталығының жетекшілігімен 2021 жылғы 15-20 наурыз күндері өткізілген бастауыш сынып оқулықтарының мазмұнын педагогикалық қауым арасында талқылау бойынша Смагулова Гульсум Садыковна өңірлік жұмыс тобында жұмыс атқарып, Алғыс хатымен марапатталды.

Сыбайлас жемқорлыққа қарсы мектептегі атқарылып жатқан іс-шаралар бойынша мектеп басшысының есебі.

18.03.2021

2021 жылдың 17 наурызында мектеп директоры Г.Ахметова Facebook парақшасында тікелей эфир арқылы сыбайлас жемқорлыққа қарсы іс-қимыл бойынша мектепте өтіп жатқан іс-шаралармен таныстырды. Сыбайлас жемқорлыққа қарсы тұжырымдама – бағдарламаларды, жоспарларды жүзеге асырудағы іс-қимыл стратегиясын айқындайтын басты ойы; әлемдегі, қоғамдағы сыбайлас жемқорлық құбылыстарына көзқарастар жүйесі; идеяның өзектілігі. Негізін құрайтын ұран – «Бәріміз сыбайлас жемқорлыққа қарсымыз». Сыбайлас жемқорлық білім саласында – бұл жеке пайда көру үшін қызметтік жағдайын пайдалану, бұл білім алуға, оның сапасына, әділдігіне, зияткерлік адалдыққа барынша ықпал етеді. Мектеп   бойынша  өткізіліп жатқан іс-шаралар жемқорлықтың алдын-алады деген сенімдемін деп атап өтті мектеп басшысы.

     

Мектептегі жылы дәретханалар туралы ақпарат.

17.03.2021

А.Иманов атындағы жалпы орта білім беру лицей-мектебінде санитарлық талаптарға сай жылы дәретханалар жұмыс істеп тұр. 2019 және 2020 жылдардың тамыз айларында Май ауданының жергілікті бюджетінен жылы дәретханалар толыққанды жұмыс істеу үшін ағымдағы жөндеу жұмыстарын жасау үшін қаражат бөлінді. Барлық жөндеу жұмыстары жүргізілді. Ұл балалар мен қыз балалардың дәретханасы мектептің 1, 2 қабаттарында орналасқан. Мектеп ауласындағы дәретхана түбегейлі құлыптаулы. Бүгінгі таңда жылы дәретхана туралы мәселе толыққанды шешіліп, оқушылардың пайдалануына толық жұмыс жасап тұр.             

Оқушылар назарына!

17.03.2021

Оқушылар назарына
Павлодар облыстық психикалық денсаулық орталығы, Медико – психологиялық көмек көрсету орталығының жəне Білім беруді дамытудың инновациялық орталығының сенім телефондарына қоңырау шалуға болады!!!!!

“Көрісу, Амал мейрамы” 5-сыныпта ұйымдастырылды.

16.03.2021

5-сынып оқушылары «Наурыз көрісу Амал мерекесі» атты ашық тәрбие сағатын өткізді.  Тәрбие сағатының мақсаты – оқушыларды қазағымыздың салт – дәстүрлерінің бірі амал мерекесінің ерекшелігімен таныстыру және үлкенге құрмет, кішіге ізет көрсетуге сыйластыққа баулу.
14 наурыз – Көрісу мейрамы. Көрісу күнінде халық қыстан аман – есен шыққанына қуанып, бір – бірімен қол алысады. Таң сібірлеп атысымен, көрісу мерекесін асыға күтіп отырған әрбір отбасы алдын ала дайындалып қойған дастарханын жаяды. Міндетті түрде бауырсақ пісіріп, дастарханға тәтті – пәттісімен қосып үйіп қояды. Отбасының кішілері үлкендеріне қос қолын беріп, көрісіп шығады. Бір – біріне «Бір жасыңмен!» дейді. Ол «Бір жасқа есеюіңмен! Осы жылға аман – есен жетуіңмен!» дегенді білдіреді. Содан кейін әр отбасы көршілерімен көріседі. Жасы кіші отбасы мүшелері жасы үлкен жанұяларға кіріп, көрісіп шығады. Міндетті түрде әр адам үш үйдің есігін ашу керек, яғни түске дейін үш үйге кіріп, көрісіп үлгеруі керек. Бұл жоралғы жыл бойы балаларымыз тоқ жүрсін, дастарханымыз аралас болсын, қарым – қатынасымызға сызат түспесін деген ниеттен туған.

“Жас Ғалым” төсбелгісімен марапатталды.

10.03.2021

«BILIM-ORKENIETI» Ұлттық инновациялық ғылыми зерттеу орталығы Ұлы ақын, ағартушы Абай Құнанбайұлының 175 жылдық мерейтойына орай өткізген «Үздік ғылыми жоба авторы» атты республикалық байқауына А.Иманов атындағы лицей-мектебінің 9 сынып оқушысы Мухамедиярова Дильназ қатысып, «Дарын» номинациясы бойынша жеңімпаз атанды. М.Дильназдың ғылыми жұмысы “Үздік ғылыми жобалар авторы” атты Республикалық ғылыми жобалар байқауының материалдар жинағына еніп, І Дәрежелі Дипломмен марапатталып, “Үздік жас ғалым” төсбелгісі мен куәлігі табысталды. Жетекшісі орыс тілі мен әдебиет мұғалімі Ахметова Гульсима Миннигалиевна  Алғыс хатпен марапатталды.

Ата-аналарға арналған ақпарат

03.03.2021

Санитарлық жағдай бойынша анықтама

Өзін-өзітану әдістемелік бірлестігінің апталығы 15-19 ақпан аралығында өтті.

02.03.2021

Өзін-өзітану апталығы ұйымдастырылды. Мақсаты: Махаббат пен шығармашылық аясында  оқушыларға махаббат, бақыттың құндылық ретіндегі  мағынасы және мейірімді адами қасиеті мен өзара көмек әрекеттері туралы түсінік беріп, қамқорлық жасау, көмек көрсету дағдыларын дамыта отыра, рухани адамгершілік қағидаларын өз бақыты үшін дұрыс қолдана білуге, өмірді бағалай білуге тәрбиелеу.

Жаратылыстану-математикалық әдістемелік бірлестігінің апталығы 22-27 ақпан аралығында өтті.

02.03.2021

Жаратылыстану-математикалық әдістемелік бірлестігінің апталығы 22-27 ақпан аралығында өтті. Апталық барысында ұстаздар ашық сабақтар мен қызықты іс-шаралар ұйымдастырды.