Қуанышты жаңалық!!!!
Ы. Алтынсарин атындағы дарынды балаларға арналған облыстық қазақ гимназия- интернатына 4 сынып оқушысы Бакибаева Нурайлым конкурстық іріктеуінен өтіп, жоғарғы ұпай жинаған 72 оқушының 8 орнын иеленіп отыр!!!
Жалпы 95 ұпайдың Математика, логикадан 75 ұпай, ал оқу сауаттылығынан 20 ұпай жинады.
Алған біліміңнің болашақта әперер асуы көп болсын деп тілейміз! Аскарова Сания Маралдиновнадай ұстазыңның мерейін асқақтатып жүре бер!
Құттықтаймыз!!!!
Халықаралық «Пони» байқауына бастауыш сынып оқушылары белсене қатысып, жүлделі ІІІ орындарды иеленді. Жетекшілеріне жеңімпаздарды дайындағаны үшін дипломмен марапаттады.
Өмірзақ Шапағат – 1-сынып
Муратов Нурислам – 1 сынып
Жетекшісі: Теміржанова Гүлнар Райхановна
Аскарова Айлин – 2-сынып
Асетова Каламкас – 2-сынып
Мауенова Диляра – 2сынып
Балтабек Әлисұлтан – 2-сынып
Асылқан Аружан – 2-сынып
Жетекшісі: Смагулова Гульсум Садыковна
28 сәуір күні «Сабақты зерттеу: Май ауданы мектептерінің тәжірибесі» тақырыбында І аймақтық ғылыми – практикалық конференция өтті. Конференция барысында «Мектепте және мектепке дейінгі ұйымдарда Сабақты зерттеу үрдісін ұйымдастыру» секциясында Г.М. Ахметова, «Сабақты зерттеу: білім алушылардың оқу жетістіктері» секциясында А.Б.Сагындыкова, «Сабақты зерттеу тәсілін қолдану нәтижелері: жаңа мүмкіндіктер мен педагогикалық ашылымдар» секциясында А.К. Мухамедиярова секция жұмыстарына қатысып, LESSON STUDY нәтижелерінің постерлік таныстырылымын Г.Ж.Балкенова қорғады. Мұғалімдеріміз өз тәжірибелерімен бөлісіп, сертфикаттармен марапатталды.
Мектеп жоспарына сәйкес 25 сәуір күні бастауыш сынып пен орта буындағы пән мұғалімдері арасындағы сабақтастыстық қорытындысы педконсилиумда қаралып, келесі оқу жылына шешім қабылданды.
Математика пәні бойынша өткізілген «Бастау» кешенді олимпиадасының жеңімпаздарын құттықтаймыз!!!!
Қосман Аяжан І орын, 5 сынып
Зейнуллина Малика І орын, 5 сынып
Пә мұғалімі Масугутова Гульбаршын Магауовна
Балтабек Әлисұлтан ІІ орын, 2 сынып
Асетова Каламкас ІІІ орын, 2 сынып
Қайролла Бексұлтан ІІІ орын, 2 сынып
Пән мұғалімі Смагулова Гульсум Садыковна
2021-2022 оқу жылының аяқталуы, 11-сыныптағы қорытынды аттестаттау туралы ата-аналарға ДОЖО Ш.Кожаханова таныстырып шықты. 11-сыныптың қорытынды аттесттатауының тапсыратын пәндері мен мерзімі мен уақытына тоқталды. ҰБТ қорытындыс туралы да ақпарат берді. Грант иегері атану үшін ҰБТ-ның баға шкаласымен таныстырды. Құжаттарды тапсырудың жолдары да айтылды.
4-сыныпта жаратылыстану сабағын география пәнінің мұғалімі Е.Сулейменов сабақ өткізді. Сабақ тақырыбы: “Жер күнді айналғанда не өзгереді?” Оқу мақсаты: жердің орбиталық айналуының салдарын түсіндіру. Сабақта оқушылармен картамен, глобуспен, планеталар жүйесімен жұмыс жасады. Күтілетін нәтижелер оқыту мақсаттарына сай келді. Салыстыру, теңестіру әдістерін қолданды. Жер бетіндегі өзгерістерді оқушылар толығымен талқылап шықты.
Мектепалды даярлық топта сауат ашу пәнінен бастауыш сынып мұғалімі Аскарова Сания Маралдиновна сабақ өткізді. Сабақтың тақырыбы “К” әрпінің жазылуы мен айтылуы. Сабақтың мақсаты К дыбысымен танысу, балалардың сөздік қорына мән бере отырып, ойлау қабілетін, қиялын дамыту. “К” әрпі бойынша видеороликтер мен суреттер көрсетілді, жұмбақ жасырылды. Сөздерді буындарға бөліп талдап шықты. Сергіту сәттері де ұтымды болды. Сабақ өте қызықты өтті.
2021-2022 оқу жылын аяқтау және 9-сынып білім алушыларды қорытынды аттестаттаудан өткізу мерзімдерін бекіту туралы ата-аналармен жиналыс өтті.
Қорытынды аттестаттау өткізудің мынадай мерзімдерде өтеді. 9- сынып білім алушылары үшін санитарлық талаптарды сақтай отырып:
1) қазақ/орыс/өзбек/ұйғыр/тәжік тілі (оқыту тілі) бойынша эссе нысанында жазбаша емтихан, гуманитарлық цикл пәндерін тереңдетіп оқытатын мектептер үшін – жазбаша жұмыс (мақала, әңгіме, эссе) – 2022 жылғы 28 мамыр;
2) математика (алгебрадан) жазбаша емтихан (бақылау жұмысы) – 2022 жылғы 31 мамыр;
3) орыс, өзбек, ұйғыр және тәжік тілдерінде оқытатын сыныптардағы қазақ тілі мен әдебиеті бойынша (мәтінмен жұмыс, мәтін бойынша тапсырмаларды орындау) жазбаша емтихан және қазақ тілінде оқытатын сыныптардағы орыс тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) – 2022 жылғы 3 маусым;
4) таңдау пәні (Физика, Химия, Биология, География, Геометрия, Қазақстан тарихы, Дүниежүзі тарихы, Әдебиет (оқыту тілі бойынша), Шет тілі (ағылшын/француз/неміс), Информатика) бойынша жазбаша емтихан – 2022 жылғы 6 маусым;
4-сыныпта математика сабағы “Есептеудің және есептерді шығарудың тиімді тәсілдері” тақырыбында математика пәнінің мұғалімі А.Сегизбаеваның ашық сабағымен сабақтастық жалғасты. Оқу мақсаты: үш-төрт амалмен шығарылатын есептерді модельдеу және түрлі әдіспен шығару, ең тиімді әдісті анықтау. Оқушылар есептерді қағаздан қиылған фигуралар арқылы орындады. Топпен жұмыста оқушылар тиімді тәсілдерді қолданды. “Жәрмеңке” әдісі арқылы оқушылар есептерді шапшаң шығарып, әр дұрыс жауапқа тәттілер сатып алды. Кері байланыс күнделігі арқылы сабақ қорытындыланды.
