Сыңғырла, соңғы қоңырау

25.05.2019

2019 жылғы 25 мамыр күні Аманкелді Иманов атындағы жалпы орта білім беретін лицей-мектебінде «Сыңғырла,  соңғы қоңырау» атты салтанатты жиын өтті.  Жиынға  ауыл әкімі Каримов Болат Уанұлы, ата-аналар және мектеп түлектері қатысты.  Мектеп директоры Ахметова Гульсима Миннигалиевна  мектеп түлектерін соңғы қоңырау мерекесімен құттықтап, мектеп оқушыларымен өткізілген  іс-шаралар  жетістіктері туралы атап өтті. Бірінші сынып оқушылары мектеп бітіруші түлектерге тақпақ, әндерін айтып, сыйлықтарын табыстады. Шәкірттер санасына сәуле шашып, шырақ отын маздатқан ұстаздар қауымына ақ лебіздері мен жылы тілектерін білдіру үшін мектеп түлегі Мағау Тәуекел құттықтау сөз сөйледі. Сондай-ақ шәкірттерін білім нәрімен сусындатып, тәлім-тәрбие беріп, жақсы қасиеттерді бойларына дарытқан алғашқы ұстаздары Смагулова Гульсум Садыковна,  сынып жетекшілері Досымханова Айгуль Канабековна, Масугутова Гүлбаршын Магауовна түлектерге ізгі тілектерін білдірді. Шара барысында өткен оқу маусымында оқуды үздік аяқтаған оқушылар және  білім мен өнерде, спорт пен қоғамдық шараларда үздік нәтижеге қол жеткізген оқушылар марапатталды. «Менің туым» жобасы аясында Қазақстан Республикасының Мемлекеттік туы тутұғырдан түсіріліп, мектепке кіргізілді. Салтанатты жиын мектеп түлектерінің концерттік бағдарламасымен ұласты.

15 мамыр күні Халықаралық отбасы күніне арналған «Отбасы тәрбиесі – өскелең ұрпақтың азаматтылығын тәрбиелеудің негізі» тақырыбында жалпыұлттық ата-аналар жиналысы өтті.

15.05.2019

15 мамыр күні Халықаралық отбасы күніне арналған «Отбасы тәрбиесі – өскелең ұрпақтың азаматтылығын тәрбиелеудің негізі» тақырыбында жалпыұлттық ата-аналар жиналысы өтті. Жиналыс мақсаты- отбасылық тәрбие мәселелерін талқылауға ата-аналарды қатыстыру, олардың жауапкершілігін және балаларды тәрбиелеудегі рөлін арттыру. Жиналысқа ауыл әкімдігінің өкілі, қамқоршылық кеңес төрайымының орынбасары С.Макина қатысты.

 

«Жол қозғалысының жас сақшылары» слеті

14.05.2019

Мектеп оқушылары Аудандық «Жол қозғалысының жас сақшылары» слетінде «Саптық қарау» конкурсында ІІ орын, «Автоқалашықта велосипедті мәнерлеп жүргізу конкурсында І орын және «Жол қозғалысының жас сақшылары» конкурсында жалпы командалық ІІІ орын иеленді. Оқушыларға тек сәттілік тілейміз!

Ата-аналар назарына!

13.05.2019

Хабарландыру!

Құрметті қамқоршылық кеңес мүшелері!

16.05.2019 мектепішілік Қамқоршылық кеңесінің кезектен тыс отырысы өтетіні туралы хабарлаймыз!

Ұлы Жеңіс күні – мәңгілік ел жадында

09.05.2019

Ұлы Жеңіс күніне орай ұйымдастырылған жиынға ауыл тұрғындары, тыл еңбеккерлері, қаза болғандардың туыстары қатысты. Мектеп ұстаздары мен оқушылар «Мәңгілік полк» шеруіне қатысып, белсенділік танытты. Оқушылар өлеңдер оқып, ән, би тарту етті. Ұлы Отан соғысында елін қорғаған жауынгерлер ерлігінің құрметіне Даңқ монументіне гүл шоқтары қойылды. Ауыл имамы қайтыс болған жауынгерлер мен ардагерлер рухына құран бағыштады.

Алдағы уақытта тек  бейбіт өмір мен береке-бірлік тілейміз!

«1 мамыр – Қазақстан халқының бірлігі күні» шеру өтті

01.05.2019

«Береке бастауы бірлік, ел іші тату тірлік» қағидасын ұстанған қазақ елі үшін бұл мейрамның орны ерекше. Себебі, елімізде 130-дан астам ұлт өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүруде. Еліміздегі этностардың бірлігі мен ынтымағын нығайту, жақындастыру мақсатында  мектеп ұстаздары мен оқушылары патриоттық шеруге қатысты.

 

«Қазақстан-Халықтар достығының мекені»

30.04.2019

Ағымдағы жылдың 30 сәуір күні «Қазақстан Халықтарының Бірлігі күніне» мектепішілік іс-шаралар ұйымдастырылып өткізілді. Мерекеге орай спорттық жарыстар, суреттер конкурсы, жоғары сыныптар аралығында «Бірлігі жарасқан ел» атты эссе конкурсы жарияланып, 1,2,3-орын иегерлеріне диломдар мен сыйлықтар табысталды. «Қазақстан-Халықтар достығының мекені» атты концертте мектеп оқушылары әртүрлі ұлт өкілдерінің мәдени өнерлері мен ас мәзірлерін таныстырып, өз өнерлерің көрсетті. Әрқашан да осы бiрлiгiмiзден айырылмай, татулығымыздан танбай, еліміз аман, жұртымыз тыныш болсын!

 

Бірыңғай «Жас ұлан» балалар мен жасөспірімдер ұйының қатарына қабылдау өтті

26.04.2019

Ағымдағы жылдың 1-мамыр Қазақстан Халқтарының Бірлігі күніне орай ұйымдастырылған «Жас Ұлан», «Жас Қыран» бірыңғай балалар мен жасөспірімдер ұйымы қатарына қабылдау салтанатты түрде аталып өтті.

«Жас Ұлан» – өскелең ұрпақты жоғары рухани-адамгершілік құндылықтар, гуманистік, толеранттылық пен демократиялық ұстанымдарға тәрбиелей отырып, нағыз қазақстандық патриотизм қалыптастыру ұйымы болып табылады. Жиынға мектептің барлық ұландары қатысып, өздерінің ұрандары мен әндерің айтып,  Аға тәлімгерге рапорт тапсырды. Мерекеге орай 2,3, 5-сынып оқушылары «Жас Қыран», «Жас Ұлан» қатарына қабылданып, мектеп ұстаздары оқушыларға галустук пен төсбелгілер тақты.

«Инновациялық тұрғыда мектепті басқару» атты республикалық курс өтті

25.04.2019

2019 жылдың 15-26 сәуір аралығында мектеп директор Г.М.Ахметова Алматы қаласының «Өрлеу БАҰО» АҚ филиалы базасында «Білім беру мазмұнын реформалау жағдайында шағын жинақталған мектептің білім беру процесін ұйымдастыру» тақырыбында республикалық курстан өтті. Курс мақсаты-білім беру мазмұнын жаңарту жағдайында мектеп басшыларының кәсіби құзыреттіліктерін инновациялық тұрғыда мектепті басқару дағдыларын жетілдіру.
Курс барысында мектеп директоры «XXI ғасырдағы ересектерге білім беру:заманауи үрдістер » атты Республикалық форумға қатысып,сертификатқа иеленді.
Форумда Қырғызстан, Ресей ғалымдары көкейтесті мәселелерді талқылауға салды.

Сенім телефоны 111

17.04.2019

2-ші парақ. Барлығы 4012345...102030...Соңғы»