“Мың бала”республикалық олимпиадасына мектебімізден 5-сыныптан 3 оқушы қатысты. Олимпиада тапсырмалары оқушылардың кеңістікте ойлауы, логикалық есептер берілді. Әр балаға олимпиада тапсырмаларын орындауға 90 минут берілді. Нәтижесі 14 күн ішінде Мың бала сайтында жарияланады.
2022 жылдың 31 наурыз күні Май ауданы, Баскөл ауылының А.Иманов атындағы жалпы білім беру лицей-мектебінің ағылшын тілі пәні мұғалімі А.Б.Сагындыкова “Using ICT to encrease interests of students” атты zoom платформасы арқылы вебинар ұйымдастырды.
Павлодар облысы Білім беруді дамытудың инновациялық орталығы «Жақсы мектеп үшін жаңа мұғалім» жобасы аясында Менти мектептерге арналған «Олқылықтардың орнын толтыру жолдарының тиімді әдістері» тақырыбында 30 наурыз күні әдістемелік шеберхана өтті. Шеберханада бастауыш сынып мұғалімі Смагулова Гульсум Садыковна «Оқушыға білімдегі олқылықтарды жоюға қалай көмектесуге болады» тақырыбында шеберлік сағатын өткізді.
Құттықтаймыз!
«Педагогикалық идеялар» қосымша білім беру педагогтерінің облыстық онлайн конкурсында Берик Кайроллинович Ескендиров «Азаматтық- патриоттық тәрбие» номинациясы бойынша ІІ дәрежелі дипломмен марапатталды. Еңбегіңіз бағалана берсін!
IQanat облыстық олимпиадасының ІІ турына мектебіміздің 8-сынып оқушысы Тоқтаров Ансат өтті. 28 наурыз күні олимпиаданың ІІ турына қатысады. Сәттілік тілейміз!
А.Иманов атындағы ЖОББ мектебінің дамыту тобының жоспарына сай, мектеп басшысының «МЕКТЕПТІ БАСҚАРУДАҒЫ ИННОВАЦИЯЛЫҚ МЕНЕДЖМЕНТ» курсының практикалық кезеңінен фотолар
А.Иманов атындағы ЖОББ мектебінің дамыту тобының жоспарына сай, мектеп басшысының «МЕКТЕПТІ БАСҚАРУДАҒЫ ИННОВАЦИЯЛЫҚ МЕНЕДЖМЕНТ» курсының практикалық кезеңі аясында мектебімізде 25 наурыз күні директордың оқу ісі жөніндегі орынбасары Ш.Кожаханова Lesson Study зерттеу сабақтарында «Мұғалімдер сабақты талдауда, бақылау парақтарын толтыруда қандай қиыншылықтарға кез болады» тақырыбында коучинг өткізді. Қазіргі заманғы педагогтің кәсіби дамуы, ең алдымен, өзінің әдістемелік жұмысын үнемі жетілдіруге негізделген тұтас кәсіби қызметті игеруге бағытталған. Осы орайда зерттеу сабақтарын талқылап алған әр мұғалім, сабақ барысындағы оқушының іс-әрекетін зерттейді. Бақылаушы топ АВС деңгейіндегі оқушыларды мұқият бақылайды, жан-жақты талдау жасайды. Ш.Кожаханова Lesson Study зерттеу сабақтарында оқушыны бақылаудың бірнеше түрлерін ұсынды, талдау жұмыстарын жасады. Сабақты зерттеу оқытушыны бағалауға емес, оқушының ойлау мен оқуын зерттеуге, бақылауға арналады.
А.Иманов атындағы ЖОББ мектебінің дамыту тобының жоспарына сай, мектеп басшысының «МЕКТЕПТІ БАСҚАРУДАҒЫ ИННОВАЦИЯЛЫҚ МЕНЕДЖМЕНТ» курсының практикалық кезеңі аясында мектебімізде 24 наурыз күні инновация жөніндегі оқу ісінің орынбасары, дамыту тобының мүшесі Смагулова Гульсум Садыковна мұғалімдердің кәсіби деңгейін жоғарлатуда, бірлесіп оқушыларды жан-жақты зерттеу арқылы жасайтын педагогикалық тәсілді таныстыру, тәжірибе алмасу мақсатында «ІС-ӘРЕКЕТТЕГІ ЗЕРТТЕУДІ ЖҮЗЕГЕ АСЫРУ» тақырыбында коучинг ұйымдастырды.
Коучинг барысында мұғалімдерге зерттеу сұрағын қалай құрастыра аламыз немесе проблеманы қалай анықтаймыз деген сауалға жауап іздеп, практикалық жұмыс барысында оқушыларда кездесетін проблемаларды анықтап, бағалау, дәлелдеу, негіздеу жұмыстары жүргізілді. Қорытындылай келе, мұғалімдер сыныптағы проблеманы зерттеу сұрағына айналдыруды үйренді және алдағы уақыта зерттелетін сыныптар мен зерттеу тақырыптары анықталды.
Семей-Невада антиядролық қозғалысының жабылғанына 30жыл толуына орай 7-8 сынып оқушыларымен Байдильлин Д.С танымдық сабағын өткізді.
Наурыз мейрамын тойлауда ұлттық киімдер басты назарда болады. Осы орайда мектебіміздің технология пәнінің мұғалімі Бибигуль Тулегеновна қыздарға ұлттық нақыштағы, этно стиль негізінде қысқы киім тігіп берді. Батырлардың да киімдері Б.Кабдуллинаның қолынан шықты. Ұлттық киімдер ерекше дизайны мен стилі жағынан өте ұтымды тігілген. Осындай әсем киімдерді тіккен Б.Кабдуллинаға алғысымыз шексіз. Еңбегіңіз бағалана берсін.
