«Көктем аруы – 2017»

06.03.2017

Шұғылалы көктемнің алғашқы мерекесі – 8 наурыз Халықаралық әйелдер мерекесі қарсаңында,  халқымыздың ізгі қасиетте негізінде тәрбиелеу, әр қыз баланы парасатты, жан – жақты білімді болуға, әсемдік, сұлулық әлемін түсінуге  тәрбиелеуде мектеп  тәлімгері  А.Бекенованың   ұйымдастыруымен 6 наурыз күні  5-7  сыныптар арасында «Көктем аруы – 2017» атты қыз сыны байқауы өтті. Қыз сыны байқауы қыздарымыздың келісті келбетін, білімі мен ақылын, өнерін, шеберлігін, жүріс-тұрыс мәдениетін көрсетті. Сайыстың қорытындысы бойынша «Көктем аруы – 2017» атағын 6  сынып оқушысы Акылбекова Айсана  иелен рі имандылық, инабаттылық, ізеттілік, ісмерлік  ді.1-орын 7 сынып оқушысы Хайруллина Мерейге, 2-орын 5 сынып оқушысы Сагынтаева Арайлымға ,3- орын Тулеуова Наргизға   және «Көрермен көзайымы» номинациясы 7 сынып оқушысы Боранбайева  Айжанға, «Өнерлі» номинациясы 5 сынып оқушысы Жасталап Шұғылаға берілді. Мереке көрермендерге көтеріңкі көңіл-күй сыйлады.

Аға тәлімгер: А.Бекенова

«Айналайын Анашым»

06.03.2017

6 наурыз күні мектепалды даярлық тобында «Айналайын Анашым» атты  ақ жаулықты әжелер мен аяулы аналарға арналған мерекелік іс –шара өтті. Мектепалды даярлық тобының тәрбиеленушісі Жансаринова Амина  «Аналарға тілек»  әнімен мерекенің шымылдығын ашты. Барлық балалар  аналарына арналған өлең шумақтарын оқып, жылы лебіздерін білдірді. Аналармен қызықты ойындар ойнатылып, көтеріңкі көңіл-күй орын алды. Балалар аналарына арналған сыйлықтарын сыйлады. Осында аталмыш іс-шара жылдан-жылға жалғасын таба берсін деген аналардың жылы лебізді тілекткрімен аяқталды.

Мектепалды даярлық тобының тәрбиешісі:    А.Бекенова

«Ана – тіршіліктің тірегі»

03.03.2017

Бір қолымен бесікті, екінші қолымен әлемді тербеткен аяулы аналардың, нәзік жанды қыз-келіншектердің төл мерекесі жылда шуақты көктемнің жылы лебімен тұспа-тұс келіп, көпшіліктің көңілін үлкен қуанышқа бөлеп, бір жадыратып тастайды. Төрткүл дүние тойлайтын 8 наурыз – Халықаралық әйелдер мейрамы қарсаңында «Ана – тіршіліктің тірегі» атты мерекелік кеш ұйымдастырылды.

          Кеш қонақтары  Баскөл ауылының  Алтын алқа және Күміс алқа иегерлері болды. Қара шаңырақтың ұйытқысы, отбасының береке-бастауы, мейірім мен ізгіліктің қайнар бұлағы, ұрпақ тәрбиесінің негізін қалаушы асыл әжелер мен аяулы аруларға, Алтын алқалы және Күміс алқалы аналар мен көктемгі бәйшешектей сұлу қыздарға қандай құрмет көрсетсек те жарасады. Мектеп оқушылары әзірлеген концерттік бағдарлама тамашаланды. Мектеп директоры Г.Ахметова құттықтау сөз айтып, алғыс хат табыстады. «Қариясы бар үйдің,қазынасы бар»деп халқымыз бекер айтпаған. кешіне қонақтары  «Алтын» және «Күміс» алқалы аналарға сөз беріліп, алтын құрсақты абзал жандар ұрпақ тәрбиесі, отбасы құндылығы туралы өз ойларын ортаға салды. Мерекелік кешіміз көңілдерінен шығып, жайдарлы көңілмен, қуанышты сезіммен тарқасты.

 

Вебинар өткізілді

02.03.2017

2017 жылғы 1 наурыз күні облыстық ақпараттық технологиялар орталығы 1.sabak.kz сайтында «Pavlodarskaya.oblast» бөлмесінде on-line режимінде мектептің физика пәні мұғалімі Руслан Ерікұлы Еңсебаев «Физика сабағында АКТ-ны қолдану» тақырыбында вебинар өткізді. Вебинарға қашықтықтан облыс мектептері қатысып, Руслан Ерікұлының іс-тәжірибесімен танысуға мүмкіндік алды.

Конкурс қорытындылары туралы хаттама

02.03.2017

Конкурс қорытындылары туралы хаттама

Объявляет о проведении конкурса по организации питания обучающихся

01.03.2017

конкурс

1 – наурыз Алғыс айту күні

01.03.2017

         «Алғыс айту күні» мерекесі аясында мектепте  жоспар бойынша іс-шаралар жүргізілді. 27-28 ақпанда «Мен сізге алғыс айтамын!» акциясы ұйымдастырылды. Акция аясында оқушылар бір-біріне алғыс айтып, жылы лебіздерін білдірді.  1-4 сыныптар аралығында «Жылы сөз жүрекке жетеді», 5-11 сыныптарға «Лебіз айту» деген атаулармен тренингтер жүргізілді. Сондай-ақ мектепте жоғары сынып оқушыларының ұйымдастырылуымен флешмобтар өткізілді.

Мұғалімдердің пән олимпиадасы өтті

25.02.2017

Аудандық білім бөлімінің ұйымдастыруымен 24 ақпан күні аудандық пән мұғалімдерінің олимпиадасы өткізілді. Пән олимпиадасына мектебімізден 2 мұғалім қатысқан болатын. Білім додасында олар өз білімдерін лайықты түрде көрсете білді. Информатика пәнінің мұғалімі Жандарбек Канатбекұлы Сембин олимпиада нәтижесі бойынша жүлделі ІІІ орынды иеленді.

 

«Қазына аралы» танымдық ойыны

16.02.2017

«Үш тілдік – заман талабы» атты онкүндігі жоспарына сәйкес, 16 ақпанда  6-8 сыныптар аралығында «Қазына аралы» атты танымдық ойын-сайыс өтті. Танымдық ойын-сайысының мақсаты Қазақстан тарих пәнінен түрлі тапсырмалар мен сұрақтарға жауап бере отырып, қазақ халқының ғасырлар бойы аңсаған тәуелсіздікке деген ұмтылысы, қазақ тарихындағы ұлы тұлғалар, мәдениет төңірегіндегі сауалдарға жауап бере отырып, оқушының ойлау қабілетін дамытып, тарих пәніне деген қызығушылығын арттыру. Сайыс 6 кезең бойынша ұйымдастырылды. «Таныстыру», «Миға шабуыл», «Ел тарихының білгірлері», «Бас қатырғыш», «Бұл кім?», «Жерұйық». Әділқазылар алқасының мүшелері сайыс қорытындысы бойынша жүлделі орындарды анықтап, «Талапкерлер», «Көк ту», «Жас қыран» командаларын дипломдармен марапаттады.

Мектепішілік «Абай оқулары» байқауы өтті

15.02.2017

«Үш тілдік – заман талабы» атты онкүндігі жоспарына сәйкес, 15 ақпанда қазақ тілінің көркемдік келісімін, бай қорын Абай шығармалары арқылы насихаттау, Абай шығармалары арқылы көркем сөз оқу шеберлігін, тіл мәдениетін жетілдіру мақсатында «Абай оқулары» байқауы өткізілді. «Абай оқулары» байқауына 5-9 сынып аралығында оқушылар қатысып, көркем сөз оқу мен ән айту шеберліктерін көрсетті. Байқау екі кезеңде өткізілді. Бірінші, «Өлең-сөздің патшасы, сөз сарасы» атты номинациясы бойынша Абай шығармаларын (поэзия немесе қара сөздерінен) жатқа оқу және «Көңілім әнді ұғады» номинациясы бойынша әншілік қабілетін таныту – Абай әндерін орындау (бірнеше ән). Өнерпаздарымыздың өнерін бағалау кезінде әділқазылар алқасы көркем мәтінді оқу шеберлігіне, тіл тазалығына,  ән орындау қабілетіне, сахналық мәдениетіне назар аударды. Байқауға қатысушылар сахнада өздерің дұрыс ұстап, өлеңдерің көңілдерімен тамаша жеткізе білді. Байқау қорытындысы бойынша жүлделі орындар анықталып, дипломдармен марапатталды және сыйлықтар табысталды.


   

28-ші парақ. Барлығы 46« Бірінші...1020...2627282930...40...Соңғы»