Мұғалімдердің пән олимпиадасы өтті

25.02.2017

Аудандық білім бөлімінің ұйымдастыруымен 24 ақпан күні аудандық пән мұғалімдерінің олимпиадасы өткізілді. Пән олимпиадасына мектебімізден 2 мұғалім қатысқан болатын. Білім додасында олар өз білімдерін лайықты түрде көрсете білді. Информатика пәнінің мұғалімі Жандарбек Канатбекұлы Сембин олимпиада нәтижесі бойынша жүлделі ІІІ орынды иеленді.

 

«Қазына аралы» танымдық ойыны

16.02.2017

«Үш тілдік – заман талабы» атты онкүндігі жоспарына сәйкес, 16 ақпанда  6-8 сыныптар аралығында «Қазына аралы» атты танымдық ойын-сайыс өтті. Танымдық ойын-сайысының мақсаты Қазақстан тарих пәнінен түрлі тапсырмалар мен сұрақтарға жауап бере отырып, қазақ халқының ғасырлар бойы аңсаған тәуелсіздікке деген ұмтылысы, қазақ тарихындағы ұлы тұлғалар, мәдениет төңірегіндегі сауалдарға жауап бере отырып, оқушының ойлау қабілетін дамытып, тарих пәніне деген қызығушылығын арттыру. Сайыс 6 кезең бойынша ұйымдастырылды. «Таныстыру», «Миға шабуыл», «Ел тарихының білгірлері», «Бас қатырғыш», «Бұл кім?», «Жерұйық». Әділқазылар алқасының мүшелері сайыс қорытындысы бойынша жүлделі орындарды анықтап, «Талапкерлер», «Көк ту», «Жас қыран» командаларын дипломдармен марапаттады.

Мектепішілік «Абай оқулары» байқауы өтті

15.02.2017

«Үш тілдік – заман талабы» атты онкүндігі жоспарына сәйкес, 15 ақпанда қазақ тілінің көркемдік келісімін, бай қорын Абай шығармалары арқылы насихаттау, Абай шығармалары арқылы көркем сөз оқу шеберлігін, тіл мәдениетін жетілдіру мақсатында «Абай оқулары» байқауы өткізілді. «Абай оқулары» байқауына 5-9 сынып аралығында оқушылар қатысып, көркем сөз оқу мен ән айту шеберліктерін көрсетті. Байқау екі кезеңде өткізілді. Бірінші, «Өлең-сөздің патшасы, сөз сарасы» атты номинациясы бойынша Абай шығармаларын (поэзия немесе қара сөздерінен) жатқа оқу және «Көңілім әнді ұғады» номинациясы бойынша әншілік қабілетін таныту – Абай әндерін орындау (бірнеше ән). Өнерпаздарымыздың өнерін бағалау кезінде әділқазылар алқасы көркем мәтінді оқу шеберлігіне, тіл тазалығына,  ән орындау қабілетіне, сахналық мәдениетіне назар аударды. Байқауға қатысушылар сахнада өздерің дұрыс ұстап, өлеңдерің көңілдерімен тамаша жеткізе білді. Байқау қорытындысы бойынша жүлделі орындар анықталып, дипломдармен марапатталды және сыйлықтар табысталды.


   

ДЕСТРУКТИВТІ ДІНИ АҒЫМДАРДАН САҚ БОЛЫҢЫЗ!

15.02.2017

Құрметті сайт қолданушылары! Назарларыңызға ҚР ДІАҚМ Дін істері комитеті дайындаған материалдарды ұсынамыз. Флаерлермен танысып, толығырақ мәлімет алу үшін сілтемеге басыңыз.
1. Сілтеме

2. Сілтеме

 

«Үш тілдік – заман талабы» апталығының екінші күні

14.02.2017

«Үш тілдік – заман талабы» атты онкүндігі жоспарына сәйкес, 14 ақпанда  Қазақстан тарихы пәнінің мұғалімі  А.К. Мухамедиярова «Ғұндар» атты тақырыпта  6-сынып оқушыларымен ашық сабақ өткізді. Бірнеше әдістерді қолдану арқылы тапсырмалар тартымды да, оқушылардың қызығушылығын арттырды. Сонымен қатар, интербелсенді тақтадан «Ғұндар» туралы бейне материал және презентация арқылы мәліметтер таныстырылды.Оқушылар топтық жұмыстарда шапшандылық танытып, өз білімдерін постер арқылы шыңдады. Ағылшын тілі пәнінің мұғалімі Ж.Қ.Сембин 9-сынып оқушыларымен  «Көлік»  тақырыбында ашық сабақ өткізді. Оқушылар сабақ барысында Ұлыбритания елінің көрікті жерлері туралы бейне материал тамашалап, көлік түрлері мен  қызметі жайында әңгіме жүргізіліп, постер қорғады. Қазақ тілі мен әдебиет пәнінің мұғалімі Г.Ж.Балкенова ұйымдастыруымен 5-6 сынып оқушылары арасында  «1001 мақал, 101 жұмбақ» атты сайысы өтті. Сайыстың мақсаты оқушыларға ата-бабаларымыздан келе жатқан терең мазмұнды, тақырып аясы кең сөз мәйегін қадыр тұтуға, қазақ тілін терең меңгеріп, тіл тазалығын арттыруға баулу. Сайыс екі топ арасында, 4 кезең бойынша ұйымдастырылды. Сайыс мәресін 5 сынып оқушылары шыңдап, «Шешендер» тобы  марапатталды.


        


        

 

 

Мектепішілік ата-аналар жиналысы өтті

13.02.2017

Көш ілгері жылжыған сайын технология да қарқынды дамуда. Бүгінде ұялы телефондарсыз жұмыс істеу, істі бітіру мүмкін емес жағдайға жетті. Қазіргі уақытта ұялы телефон балада да, жасөспірімде де, үлкендер мен қарттарда да бар. Ол қазіргі заман талабы. 2017 жылдың 13 ақпанында  «Ақпараттық сауаттылық» тақырыбында мектепішілік ата-аналар жиналысын өтті.  Мақсаты. Ұялы телефонның пайдасы мен зияны, белең алып бара жатқан желілік ойындардың әсерінің алдын алу. Жиналыс барысында ұялы телефонның түрлері, пайдасы мен зияны, оның адам денсаулығына әсері жайлы айтылды.Мектеп психологі Э.Бакасова бүгінгі күні теледидар мен компьютер, ұялы телефон балалардың айрылмас досы болып алды. Компьютердегі түрлі қызықты ойындар, тез хабар алмасу жасөспірімдерді тәнті етеді. Алайда, балалардың шектен тыс компьютер ойындарымен әуестенуге, әр түрлі желілерде отыруын бақылауда ұстау қажеттін айтты. Ата-аналарға мынандай кеңестер берді:

  • Балаға жиірек ата-ана сүйіспеншілігін таныту;
  • Жылы лебіздер білдіру;
  • Бала бір нәрсеге шағымданса, оның көңіліне не әсер еткенін білу;

«Бала тәрбиесі – баршамызға ортақ » қазіргі таңдағы белең алып отырған желілік ойындардың әсері елімізді сырт айналып, еліміз тыныш, Отанымыз аман болғай.

 

Білім беру мазмұнын жаңарту бойынша қолжетімді ақпараттар

13.02.2017

Құрметті сайт қонақтары, ұстаздар және ата-аналар! Сайтымыздың жаңа бөлімі Сіздерге білім беру мазмұны бойынша жеткілікті ақпарат беру мақсатында ашылып отыр. Бұл бөлімде Сіздер өздеріңізге қажетті материалдарды жүктеп, жаңа ақпараттармен таныса аласыздар. 

Бөлімге өту

Үш тілдік – заман талабы

13.02.2017

2017 жылдың 13 ақпанында қоғамдық-гуманитарлық пәндер бірлестігінің «Үш тілдік – заман талабы» атты онкүндігі ашылды. Салтанатты жиын үш тұғырлы тілде ашылып, өлең шумақтармен ұштасып, патриоттық мәні бар «Қазақстаным бақытым» әнімен аяқталды.  Жиын барысында онкүндіктің жоспары мен мақсаты таныстырылды. Апталықтың мақсаты оқытудың тиімді әдіс-тәсілдерін қолдану арқылы оқушылардың туған тіліне, әдебиетіне, тарихына деген танымдық қызығушылығын, шығармашылық ізденісін арттыру. Онкүндікте өткізілетін іс-шаралардың мазмұны жоспарға сәйкес өткізіледі.

Ресурстық орталықта ІІ оқу сессиясы өтті

10.02.2017

Ақпан айының 8-10 аралығында Көктөбе ресурстық мектебінде ІІ оқу сессиясы өтті. Осымен екінші жыл қатарынан ауылдық жердегі мектеп оқушыларының білім сапасын көтеру және жаңа білім беру мазмұнына өтуге дайындық, бейіндік оқытуды енгізу мәселелелерін шешудің бір жолы ретінде Ресурстық орталықтар ұйымдастыру қолға алынып отыр. Ресурстық орталыққа 4 магниттік мектеп енеді. Оның ішінде А.Иманов атындағы орта мектеп те бар. Мұнда оқушылар жаратылыстану-математикалық бағыттағы пәндерді (математика, физика, химия, биология, география) жан-жақты оқып, қорытынды аттестаттауға дайындалуға қосымша мүмкіндіктер алды. Келесі оқу сессиясы ағымдағы жылдың сәуір айында өтеді. Ал, оған дейінгі мерзімде оқушылар қашықтықтан тапсырмалар алып, сессия аралық жұмыстар жүргізетін болады.

Отбасы – өмір айнасы

09.02.2017

Өзін-өзі тану пәнінің онкүндігі аясында «Отбасы – өмір айнасы» тақырыбында ата-аналармен дөңгелек үстел болып өтті. Дөңгелек үстелге жиналған ата-аналар отбасындағы құндылықтар, адамгершілік қарым-қатынастар, бала мен ата-ана арасындағы сыйластық туралы сөз қозғап, өз ойларын ортаға салды.

28-ші парақ. Барлығы 45« Бірінші...1020...2627282930...40...Соңғы»