Қарттар күніне орай мектеп еріктілері ауыл тұрғыны, жалғыз басты Бәтима апайды құттықтап, ауласын жинауға көмек көрсетті. Оқушылар әжейдің батасын алып, ыстық бауырсағынан дәм татты. Қарттарға қолқанат болуды әрқайсымыз өзімізге борыш санайық.
Бүгін А.Иманов атындағы мектебінде қамқоршылық кенесінің төрайымы Ж.Байдильдина, мектеп директоры Г.Ахметова және мектепке бекітілген медбибі Г. Меденова мектептің асханасын,оқушылардың ыстық тамақпен қамтылуын қадағалап тексерді.
Тексерудің мақсаты- күнделікті әзірленетін тағамның сапасы, мәзірге сәйкес келуі және шығу нормаларының сақталуы.
Оқушылардың ыстық тамақпен қамтылуы барлық санитарлық нормаларға сай жүргізіліп жатқаны байқалады. Кемшіліктер болмады. Оқушылардың тамақтану кезіндегі тәртібі мен асхананың жұмысына оң баға берілді
Орта білім беру ұйымдарында 27 қыркүйек “Еңбек күнін” атап өту туралы жоспарына сәйкес 5-7 сынып оқушыларымен “Менің жетістігім- менің нәтижем” тақырыбында сынып сағаттар өткізілді.
Бүгін 23 қыркүйек күні мектеп ұжымы сағат 09:00де жалпы облыстық сеңбілікке шығып, мектеп ауласында тазалау жұмыстарын жүргізді.
Ағымдағы жылдың 12 қыркүйегінде мектеп мұғалімдері мен 5-9 сынып оқушылары үміткер кандидаттарға дауыс берді. 83% дауыс беру нәтижесімен 9 сынып оқушысы Акылбекова Дильназ мектеп президентіне сайланды. Дильназдың алдағы бастамаларына сәттілік тілейміз.
Жиналыс барысында ең алдымен ата-аналар баланы жәбірлеудің (буллинг) профилактикасы жөніндегі жұмыс жоспарымен танысып ақпараттандырылды. Буллинг және оның алдын алу бойынша іс шаралармен танысып шықты. Балалардың заңды өкілдері балалары жәбірлеуге тап болғанда мәселе бірден алдын алынады және оған жауапты тұлғалар жауап беріп, мәселені шешетіні түсіндірілді. Жәбірлеу мәселесі пайда болған жағдайда есепке алу журналына тіркеліп, әлеуметтік психологиялық көмек көрсетілетіні айтылды. Сонымен қатар жиналыс барысында 1-9 сынып оқушыларына буллингті алдын алу бойынша профилактикалық жұмыстар мен ойын жаттығулары жүргізілетіні жөнінде ақпарат берілді. Мектептің парақшасында үнемі ата-аналарға және оқушыларға арналған кеңестер мен ұсыныстар салынып отыратыны айтылды. Ата-аналарға баланы жәбірлеу деген не, «Буллинг және кибербуллингті» алдын алу бойынша түсіндірме жұмыстары жүргізілді. 
Отбасы, сыйластық пен қамқорлық – әр адамның өміріндегі ең маңызды құндылықтар. Жанұя – тәрбие алатын аса қажетті, әрі қасиетті алтын бесігі.
«Отан отбасынан басталады», – деп дана халқымыз бекер айтпаған. Қазақтың әр отбасының керегесі кең, шаңырағы берік болсын! Отбасы күніне орай мектеп оқушыларымен “Менің отбасым” атты фотоколлаж конкурсы ұйымдастырылды.
“Мектепке жол” республикалық акциясы өз жалғасын табуда.
Акция барысында мектебіміздің 35- ші түлектері оқушыларға мектепке қажетті кеңсе тауарларымен көмек көрсетті. Кеңсе тауарлар мұқтаж оқушыларға таратылып, ата-аналар өз ризашылықтарын білдірді.
Ағымдағы жылдың 12 қыркүйек күні мектеп президентіне дауыс беру жүргізіледі. Дауыс беруге мектебіміздің 5-9 сынып оқушылары мен ұстаздары қатыса алады. Мектеп президентіне үміткер кандидаттар: Марипкожа Балнұр, Акылбекова Дильназ, Қосман Аяжан.