«Ата-анаң – алтын тұғырың» атты ашық сабақ

03.02.2017

«Өзін – өзі тану – өзіңді тану» апталығының жоспарына сай 11 сыныпта  «Ата-анаң – алтын тұғырың» атты ашық сабақ өтті. Сабақтың мақсаты: «Ата-ана» құндылығы туралы түсініктерін кеңейту, ата-анаға деген сүйіспеншілік сезімін дамыту. Ата-ананы құрмет тұтуға, ардақтауға үйрету. Сабақ  тыныштық сәтімен басталып, психологиялық ахуал тудырылды. Жаңа тақырыпты  суреттер арқылы  дәйексөз құрастырып , оның мағынасын түсіндірумен бастады. «Әке мен бала» видеоролигі көрсетіліп, оқушылар өздерінің алған әсерлерімен бөлісті. Шығармашылық жұмыстар орындалып, қорғалды. Сабақтың соңында барлығы қосылып  «Әке туралы жыр» әнін айтты. Сабақ » Өз ойларыңа тоқып алғын.  Ата-анаға құрмет, ізет қылуды мойынға алу ләзім» деп Қабуснамадан үзінді оқу арқылы аяқталды.

Өзін-өзі тану пәнінің «Өзінді тану – өмірді тану» атты онкүндігі

02.02.2017

2017 жылдың 2 ақпанында өзін-өзі тану пәнінің «Өзінді тану – өмірді тану» атты дәстүрлі онкүндігінің ашылу салтанаты өтті. Апталықтың мақсаты тәрбие және білім беру жүйесінде балалар мен жастардың адамгершілік-рухани , оқушыларды жалпы адами құндылықтар әлеміне тартып, адамзаттық мәдениет қалыптастыру. Апталыққа 1-11 сыныптар және ұстаздар қатысты. Оқу ісінің меңгерушісі Р.Еңсебаев құттықтау сөз сөйлеп, өзін-өзі тану мұғалімі А.Аушайхова онкүндік жоспарымен таныстырды. Оқушылар шаттық шеңберіне тұрып, жылы лебіздерін білдіріп, қуаныш, мейірімге бөленді.    

Өзін-өзі тану: Махаббат пен Шығармашылық педагогикасы

01.02.2017

Ағымдағы жылдың 2-13 аралығында аталған тақырыптағы өзін-өзі тану пәнінің онкүндігі өткізілуде. «Өзін-өзі тану» адамгершілік-рухани білім беру бағдарламасының негізіне жататын тәрбие мен білім беру жүйесінде балалар мен жастардың адамгершілік-рухани жетілдіру идеясы оқушыларды жалпы адами құндылықтар әлеміне тартып, адами қарым-қатынас нормасымен таныстырады, азаматтық мәдениетті қалыптастырады және дамытады. Осы құндылықтарды дамытуға арналған пән онкүндігінің жоспары мектеп оқушылары мен ұстаздарына таныстырылып, рухани білімге бастау алды.

Р.S. Апталық жоспарын келесі сілтемеге басу арқылы жүктей аласыз.  көшіру

 

31.01.2017

Объявляет о проведении конкурса по организации питания обучающихся

Қысқы Универсиада 2017

25.01.2017

         29 қаңтар мен 8 ақпан аралығында Алматы қаласында XXVIII бүкіләлемдік қысқы Универсиада өтетіні баршамызға мәлім. Еліміздің жас спортшылары қазіргі таңда әлемдік додада жігерлі ойын көрсету үшін дайындық үстінде. Осы қысқы Универсиаданың құрметіне орай А.Иманов атындағы жалпы орта білім беретін лицей-мектебінде бірыңғай білім сабағы өткізілді. Бастауыш, орта және жоғары буындарда универсиадада өтетін спорт түрлері, Павлодар облысынан қатысатын спортшылар жайлы деректер берілді. 6,9 сынып оқушылары мектеп жанындағы алаңда сап түзеп, «Қанатыңды кең серпі» ұранымен шаңғы жүрісі өтті. Мақсаты — еліміздің Универсиадаға қатысатын жас спортшыларына қолдау көрсету. Жастарға салауатты өмір салтын насихаттап, спорттың дамуына өз үлесімізді қосу. Бұл біздің ұжымның еліміздің Универсиадаға қатысатын жас спортшыларына жанкүйер екендігіміздің дәлелі.

Апталық өз мәресіне жетті

21.01.2017

«Мектеп — кеме, білім — теңіз» тақырыбында қаңтар айының 16-21 аралығында бастауыш сынып әдістемелік бірлестігінің апталығы өткен болатын. Апталықта барлық бастауыш сынып мұғалімдері ашық сабақтар өткізді. Мұғалімдер ашық сабақтарында жаңа инновациялық технологияларды, топтық әдіс-тәсілдерді тиімді қолдана білді. Оқытуды ұйымдастырудың әр түрлі формалары: ұжымдық, топтық, жұптық жұмыс түрлерін өз сабақтарында шебер пайдаланды. Апталықтың әр күні өткізілген іс-шаралыр бастауыш сынып оқушыларын жан-жақты дамытып, білімдеріне білім қосты деп айтуға болады. Жабылу салтанатына арналған жиында апталық жұмыстарына белсене қатысып, өз білімдерін көрсете білген жасжеткіншектер алғыс хаттармен марапатталды. 

«Полиглот» интеллектуалдық ойыны оздырылды

20.01.2017

Ойынның мақсаты: көптілділік білімді дамыту мен тереңдету, Отанға деген сүйіспеншілікті арттыру.   Ойынға 6-7 сынып оқушылары қатысты. Ойын басында әр команда өзін таныстырып өтті. 1 кезеңде қазақша, орысша, ағылшынша сұрақтар қойылып, жауабын үш тілде берді. 2 кезеңде жұмбақтар жасырылды, 3 кезеңде шашыраңқы сөздерден сөйлем құрап орыс, ағылшын тілдеріне аударды. 4,5 кезеңдерде шатасқан әріптер, қарама-қарсы сөздерді тапты. Әр топ дұрыс жауапқа  ұпайды еншілеп отырды. Ойынның төрешілері әділ баға бере отырып, жеңімпаздарды анықтады. «Полиглот» ойынының жеңімпазы 7 сынып атанды. Жеңімпаз топ дипломмен марапатталды.

ҰБТ – 2017

19.01.2017

Сайт қолданушылары мен түлектердің, олардың ата-аналарының назарына! Сайттан қорытынды аттестаттау мен ҰБТ туралы толығырақ ақпарат беретін арнайы бөлім ашылды. Осы жерден Сіз өзіңізге қажетті ақпараттарды оқып, дайындыққа қажетті «Достық» білім беру орталығы мен Ұлттық тестілеу орталығының авторлық өнімдерін көре аласыздар. Арманға бірге қол жеткізейік!

«Жұлдызды сәт» квест ойыны өтті

19.01.2017

19 қаңтар күні  «Мектеп — кеме, білім — теңіз» ұранымен бастаған бастауыш сынып әдістемелік бірлестігінің апталығы кезінде 1 және 2 сынып оқушылары арасында қызықты да тартымды «Жұлдызды сәт» ойыны өтті. Бұл ойын квест ережесі бойынша оқушылар берілген тапсырмаларды ең бірінші болып тауып алулары тиіс болатын. Қатысушылар үлкен қызығушылықпен ат салысып әдемі ойын болды және шығармашылық, интеллектуалдық  қабілеттерін көрсете білді.

Көтеріңкі көңіл күй сыйлаған флешмоб

18.01.2017

 «Бір толқында!». Дәл осындай ұранымен 18 қаңтар күні оқушылардың бос уақытын (үзіліс кезіндегі) тиімді өткізу мақсатында флешмоб өтті. Бұл шарада бастауыш сынып оқушылары өз белсенділіктерін танытып, түрлі әуенге сергек би билеп, көңіл күйлерін көтеріліп, қимыл-қозғалыс белсенділіктерін арттырды. Үзілісте оқушылар бір сергіп, керемет әсер алып, келесі сабаққа жақсы көңіл күймен кірді. 

30-ші парақ. Барлығы 46« Бірінші...1020...2829303132...40...Соңғы»