Тұғырлы Тәуелсіздікке – 25 жыл

15.12.2016

Бүгін мектеп ұстаздары, оқушылар мен ата-аналардың қатысуымен Тәуелсіздіктің 25 жылдығына арналған «Тұғырлы тәуелсіздікке – 25 жыл» атты салтанатты жиын болып өтті. Мемлекеттік әнұранмен басталған жиында мектеп директорының міндетін атқарушы Руслан Ерікұлы Еңсебаев құттықтау сөз сөйлеп, аз-кем мектеп тарихына тоқталып өтті. Жиын барысында тәуелсіздікті мерекелеуге арналған түрлі деңгейдегі сайыстарға белсене қатысқан 3-сынып «Белсенді сынып», жүлделі орындарға барынша мол ие болған 5-сынып «Табысты сынып», мектепішілік пән олимпиадасында үздік нәтиже көрсеткен 9-сынып «Үздік команда» номинациясымен марапатталды. Мектептің дамуына қосқан елеулі еңбектері үшін мұғалімдер Г.Темиржанова, С.Акылбекова, К.Масугутова, медбибі Г.Меденова, қызметкер З.Шахмарданова мектеп директорының Құрмет грамотасымен марапатталды. Жиында оқушылар әдеби монтаж оқып, ән мен биден шашу шашып, мерекелік көңіл-күй сыйлады.

Тәуелсіздік жолы- қасиетті жол!

14.12.2016

Аманкелді Иманов атындағы жалпы орта білім беретін лицей – мектебінде  Қазақстан Республикасының Тәуелсіздік күні мерекесі қарсаңында  8 сыныбында «Тәуелсіздік жолы- қасиетті жол!» атты  сынып сағаты өтті. Халқымызға ғасырлар бойғы арман болған тәуелсіздік, егемендік ұстанымдарын биікке көтеретін бұл күн – біздің Отанымыздың әрбір азаматы үшін қастерлі мереке, сондықтанда оқушылар Отанына деген ыстық ықыластарын өлең жолдарымен, ата- бабамыз аңсаған тілектерін көріністе сынып сағаты  барысында көрсете білді. Қорытынды сөзді тәрбие ісінің меңгерушісі Хайруллина Мадина Жеңісқызы түйіндеді.

Үздік олимпиадалық команда

13.12.2016

Тәуелсіздіктің 25 жылдығы қарсаңында өткен оқушылардың аудандық пән олимпиадасының қорытындысы бойынша мектеп оқушыларының құрама командасы «Ең үздік олимпиадалық команда» номинациясымен марапатталып, олимпиаданың ауыспалы кубогын еншіледі. Олимпиада нәтижесі бойынша оқушылар 100% жүлдегер атанды. Атап айтсақ, 11-сынып оқушысы Қайдаров Жаңбырбай Қазақстан тарихы пәнінен ІІ орын, 9-сынып оқушылары Қайыргелді Ерасыл физика пәнінен ІІ орын, Сарсенбаева Аружан қазақ тілі пәнінен ІІІ орын, Қайыркен Темірлан орыс тілі пәнінен ІІІ орын, 10-сынып оқушылары Сейсенбаев Ардақ география пәнінен ІІІ орын, Каратаев Рахат орыс тілі пәнінен ІІІ орын алды. Оқушыларды жеңістерімен құттықтап, пән мұғалімдеріне алғыс білдіреміз. 

«Ақбота» республикалық марафонының жеңімпаздары анықталды

12.12.2016

Дарынды оқушылардың жеке қабілеттерін дамыту, білімдерін тереңдетуге арналған, жағдайларды жасау мақсатында «Дарын» республикалық ғылыми-практикалық орталығы 3-10 сынып оқушылары арасында «Ақбота» республикалық интеллектуалдық марафонын өткізген болатын. Білім сайысына мектеп бойынша қатысқан 21 оқушының ішінен 3 оқушы жеңімпаз атанып, жүлделі ІІІ орын иеленді. Олар: 3-сынып оқушысы Ерік Нұрдина, 5-сынып оқушылары Қадыр Айым мен Мухамедиярова Дильназ. Оқушыларды жеңістерімен құттықтаймыз!

Үлкендер жолы – ұлылық

09.12.2016

«25 жұлдызды күн» республикалық акциясының бүгінгі күні – «Білім күні» деген атаумен өткізілді. Сол себепті 9 желтоқсан күні «Үлкендер жолы – ұлылық» атты ардагер ұстазбен кездесу кеші болып өтті. Бұл кеште осы мамандыққа еңбегі сіңген, 40 жыл бір мектепте табжылмай табандылықпен еңбек етке:н, оқушыларға ғылымдар патшасы математиканың қыры мен сырын ұғындырып, білім нәрімен сусындатқан ардагер ұстазымыз Жакупбаева Күльжанат Зейнуллақызымен кездесу өтті. Кездесу аясында ұлағатты ұстаз өзінің осы мамандықты таңдау себебі мен жас маманнан ардагер ұстазға дейінгі қызмет жолын сөз етті. Оқушылар өздерін қызықтырған сұрақтарын қойып, болашаққа ой жүгіртті. Сонымен қатар білім ортасының тарихынан да бейнематериалдар көрсетілді. Айта кетейік, бұл мектепке 1996 жылы облыста тұңғыш ауылдық мектеп-лицейі дәрежесі берілген.

Біз – Қазақстан болашағымыз!

08.12.2016

Тарих және құқық апталығы аясында тарих пәні мұғалімі Айгүл Қабылғазықызы Мұхамедиярова 7-9 сынып оқушыларымен «Біз – Қазақстан болашағымыз!» атты дөңгелек үстел өткізді. Негізгі мақсаты оқушыларға заң білімі саласынан мағлұмат бере отырып, өз құқықтарын жете білуге, құқықтық сауаттылықтарын қалыптастыру және құқық бұзушылықтың алдын алу. Оқушыларға құқықтық заңдар туралы түсінік бере отырып, өздерінің құқықтары мен міндеттері туралы білімдері жетілдірілді. ҚР Конституциясының баптары, Заңнамалардан қысқаша түсініктеме берілді. Адам құқықтарының жалпыға ортақ декларациясы жөнінде құжаттардың қабылданған жылдарымен танысты. «Әрекет- қабілеттік пирамидасы» бойынша 0 жастан – 40 жас аралығындағы құқықтарымен танысты.Оқушылар өз ойын сұрақ-жауап, түрлі ойын түрінде жеткізе алды, ұлттық тәлім-тәрбие беретін мақал-мәтелдер оқушылардың назарынан тыс қалған жоқ. Дөңгелек үстел соңында оқушылар үндеу қабылдады.

Мереке қарсаңындағы спорттық сайыс

05.12.2016

Желтоқсан  айының 5-і күні Қазақстан Республикасы Тәуелсіздігінің 25 жылдығына және 2017 жылы Алматы қаласында өтетін қысқы Универсиадаға орай  қыздар және ұлдар арасында баскетболдан жарыс өткізілді. Салауатты өмір салтын насихаттауға арналып, қыздар арасында өткен жарысқа 4 команда, 26 оқушы қатысты. Сайыста 6-9 сынып командалары өзара бақ сынады. Ұлдар  арасында өткізілген баскетбол жарысына да 5 команда,  34 оқушы қатысты. Жарыс нәтижесінде қыздар арасында ІІІ орынды  7-сынып, ІІ орынды 9-сынып, І орынды 8-сынып командасы иеленді. Ұлдар арасында ІІІ орынды 9-сынып, ІІ орынды 8-сынып, І орынды 10-11 сыныптың құрама командасы еншіледі.

 

«Елі сүйген, елін сүйген – Елбасы»

30.11.2016

         1 желтоқсан – Қазақстанның Тұңғыш Президент күні. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш президент Нұрсұлтан Назарбаевтай көреген саясаткердің ерен еңбегін дәл бүгін және әрқашан айтып өтеміз. Осы мерекеге орай «Елін сүйген, елі сүйген – Елбасы» атты онкүндік аталып өтті.  «Әлем таныған тұлға» кітап көрме, «Алға Қазақстан!» флэшмобы, «Достық» сабағы, «Елін сүйген – Елбасы» интеллектуалдық ойын 5-7 сыныптарда, Тұңғыш Президент күніне және ҚР Тәуелсіздігінің   25 жылдығына байланысты сурет, шығарма, мәнерлеп оқу байқаулары; «Тәуелсіздік шежіресі» интеллектуалдық ойын; «Әнім саған арналады – Қазақстан» байқауы; «Теңгенің шығу тарихы»; «Ядросыз әлем» тақырыптары аясында тұңғыш президент күніне арналған апталық өтті. 1 желтоқсан –Тұңғыш Президент күні баршамызға құтты болсын.

1-%d1%81%d1%8b%d0%bd%d0%bf-2 1-%d1%81%d1%8b%d0%bd%d1%8b%d0%bf-1  2-%d1%81%d1%8b%d0%bd 2-%d1%81%d1%8b%d0%bd1 3-%d1%81%d1%8b%d0%bd 4-%d1%81%d1%8b%d0%bd

Жаңа форматтағы ҰБТ

29.11.2016

11-сынып оқушылары мен олардың ата-аналарына жаңа форматтағы ҰБТ туралы толық ақпарат беріліп, таныстырылды. Ұлттық бірыңғай тестілеудің екі кезеңде өтетіндігі туралы түсіндірілді. Техникалық хатшы Р.Еңсебаев қорытынды аттестаттау мен ҰБТ-ның айырмашылықтарын атап өтті. Қорытынды аттестаттау – бұл мемлекеттік бітіру емтиханы. ҰБТ – жоғары оқу орындарына түсу емтиханы. 11 сынып оқушысын қорытынды аттестаттау бітіруші емтихан нысанында мектепте бес пәннен, оның ішінде 4 міндетті және оқыту бейіні ескеріле отырып 1 таңдау бойынша пәннен өтеді. ҰБТ жоғары оқу орнына түсу емтиханы және мемлекеттік гранттарды бөлу жүйесі  ретінде қалады.




ТӘУЕЛСІЗДІККЕ 25 ЖЫЛ: Ұлттық валюта күні

28.11.2016

        25 жұлдызды күн шеңберінде 2016 жылғы 28 қараша Ұлттық валюта күніне орай сынып сағатары өткізілді. 1-7 сыныптарда «Теңге – Қзақстан Республикасының мемлекекттік символы», «Ұлттық теңге – мақтанышымыз» тақырыбында сынып сағаты,  8-11 сынып оқушылары интерактивті дәріс тыңдады. Оқушыларға Қазақстанның ұлттық валютасы теңге туралы, ақша түрлері (қағаз, темір, ірі, ұсақ), «Теңге» ұғымын туралы түсініктері қалыптасты. Оның шығу тарихы, негізгі қасиеттері туралы білімдерін кеңейіп, елімізді құрметтеу, жан-жақты даму, патриоттық сезімдері тереңдеді.
          Тәуелсіз еліміздің ең бірінші айрықша белгісі – теңгемен, ақшаның пайда болу тарихы, өз ұлттық теңгеміздің айналымға кіруі, қалай, кімдер жасағаны туралы мағлұмат алды. Басқа ел валюталарымен танысып, жаңадан айналымға енген ұлттық валюта, оны енгізудің қажеттілігі, безендірілуі туралы кеңірек танысты.

20161128_125112 img-20161128-wa0000

32-ші парақ. Барлығы 46« Бірінші...1020...3031323334...40...Соңғы»