«Аққу» қыздар клубы аясында «Салт – дәстүрім таусылмайтын байлығым” тақырыбында оқушылармен сұхбаттасып, жүн талшықтарын ширату арқылы киіз басу өнеріне баулу жұмыстары ұйымдастырылды. Технология пәнінің мұғалімі Б.Кабдуллина түрлі-түсті жүн талшықтарынан көктем келбетін суреттеп, киіз басудың техникасын көрсетті.
Өзін-өзі басқару ұйымының фракция мүшелері «Көшбасшы болу» тақырыбында тамаша пікір алысу алаңын ұйымдастырды. 5-8 сынып оқушыларына «Көшбасшы және көшбасшылықтың адамгершілік қасиеттері» туралы таныстырылым жасалып, мектепте жүзеге асыру талқыланды.
Ағымдағы жылдың 30 наурыз күні Көктөбе орта мектебінде Павлодар облысы М.М.Катаев ат. Оқушылар сарайының әдіскерлері аудан мектептерінің БЖҰ аға тәлімгерлері мен «Жас Ұлан» балалар мен жасөспірімдер ұйымының көшбасшылары, қыранбасшылары және мектеп парламентінің президенті, мектеп омбудсмендеріне мектеп парламентінің, өзін-өзі басқару ұйымының жұмысын дұрыс ұйымдастыру әдістері мен формалары жайлы «Әдістемелік күн» шеберлік сағаттарын өткізді.
“А. Иманов атындағы жалпы орта білім беру лицей-мектебінде « Армысың , Әз -Наурыз!”атты мерекелік іс-шара өткізілді. Мақсаты : Наурыз мейрамы жайлы түсінік беру арқылы Қазақ халқының салт – дәстүрін көрсету және оны құрметтей білуге тәрбиелеу.
Мерекеде аруларымыз мың бұралып қазақша би биледі , балалар жеті дәмнен құралатын нәрлі Наурыз көженің дәмін көрді, салт – дәстүрлерді дәріптеу мақсатында « қырқынан шығару», “шолпы тағу” рәсімдері көрсетілді, балалар « Айтыс» өнерін сахналады. Одан басқа оқушылар ән, тақпақтарын айтты. Қыдыр атаның батасын алып , шашу шашылды. Аластау рәсімі өткізілді. Оқушылар “Ең үздік ұлттық киім”, “Ұлттық нақышта безендіру”, “Ұлттық дастархан” номинациялары бойынша қазылар алқасы шешімімен дипломдармен марапатталды.
Құрметті әріптестер!“А. Иманов атындағы жалпы орта білім беру лицей-мектебі”
баршаңызды Ұлыстың Ұлы күні – Наурыз мерекесімен шын жүректен құттықтайды!
Наурыз – іргесі сөгілмес бірліктің берекесі, ырысы төгілмес тірліктің мерекесі.
Еліміз тыныш, туған жеріміз аман болып, әрбір жаңа күн әр отбасына шат -көңіл, бақыт және береке сыйласын!
Ұлыс оң , ақ мол болсын!
#nauryzpvl_2023
Қазақтың ұлттық бас киімін насихаттауға арналған “Тақия” тігуден шеберлік сағат өткізілді. Көркем еңбек” пән мұғалімі Кабдуллина Б. Т. қыздарымызға тақия тігуді үйретті.
16 наурыз – Наурыз – мейірімділік пен қайырымдылық мерекесі.
«Қайырымды Ұлт» волонтерлік акциясында мектеп оқушылары белсенділік танытты.
#nauryzpvl_2023
15 наурыз күні Ұлттық ойындар мерекесі ұйымдастырылды. Асық ату, бес асық, шахмат, арқан тарту, тоғызқұмалақ сияқты ұлттық ойындар ойнатылды. Жетекшілері денешынықтыру пән мұғалімі Ескендиров Б.К., Аханов Б.Д.
#nauryzpvl_2023
14 наурыз күні 3-4 сынып оқушылары ұлттық нақыштағы сыйлықтарды жасап , мектеп ұстаздары мен оқушыларына сыйға тартты.
“Таза табиғат” мектепішілік акциясында 9 сынып оқушылары белсенділік танытты.
